في وسط التفجيرات والأخبار الغير سارة التي انتشرت بين صفحات موقع التواصل الأجتماعي هذه الفترة , أطلق نشطاء موقع التواصل الأجتماعي الفيس بوك دعوة للتفائل , من خلال تذكير الشباب والفتيات بما كان عليه بعض الشخصيات الشهيرة في الماضي وما اصبحو علية الأن وكان من أشهر هذه الشخصيات “أوباما , وعمرو واكد, وهيفاء وهبي , وعزة الجرف الشهيرة بـ”أم أيمن” ,ومحمد مرسي”
“اوباما ايام الكحرتة المقشف دة بقى رئيس اميريكا #دعوة_للتفاؤل ”
“بس تصدق يا ادمن انه لما نضف بقى شكله نضيف … حماده هلال استايل ”
“والمقشفه التانيه سيدة امريكا الاولي”
“يارب انا مش طالبه ابقى رئيسه جمهوريه انا طالبه اخرج من البلد دى على خير”
“كل ماتيأس والدنيا تقفل في وشك افتكر عمرو واكد.. حاول يبوس هند صبري اما كان عشري واتضرب يومها بالشبشب..ماسكتش.. وفضل يحاول ويعافر وحط كل الصعوبات تحت رجليه وماتخلاش عن الامل لحد ما سكارليت جوهانسون هي اللي باسته.. الحياة مليانه فرص ماتضيعش مستقبلك في التفكير في الماضي….. صوت ابراهيم الفقي ”
“شابوه فعلا محققة امال اليأيسين”
ربنا يقدرك علي زرع الامل في النفوس اليأسه ههههههههههه التفاؤل حلو برضو”
“انا نفسي اتفائل زي عمرو واكد ابن المحظوظة دا”
“انتو بتضللو الناس بالأمل الكذاب.. ابراهيم الفقي نفسه مات محروق..”
“لما تحسي انك مش لاقية نفسك في الشغل بتاعك او ان الشغل كتير عليكي ونفسك مسدودة وحسيتي في لحظه كدا بالفشل حطي دايما قدامك مثال الست هيفاء وهبي لاهي مطربه ولاهي ممثله بس في النهاية معترف بيها يامؤمنه انها سبحان الله فنانه كل الموضوع انها عرفت هي شاطره في ايه واستخدمته صح انتي كمان اعرفي انتي شاطرة في ايه واستخدميه صح بس مش اوي ياعني ها”
“لما تحس انك فاشل ومش نافع في اي حاجة أفتكر دايمآ مرسي خرج من السجن علشان يمسك مصر اينعم دخل السجن تاني بس دا من غباءة فابلاش تتغابي زيه”
“لما تحسي انك عنستي ومش لاقية عريس افتكري المعصعصة أمل علم الدين اللي وقعت الموووووز جورج كلوني الهي ماتوعي تتهني بيه البعيدة”
“لما تحسي ان الدنيا مقفلة في وشك افتكري ان ام ايمن المقشفة بقيت عضوة في البرلمان في يوم من الايام ”
“بص للنص المليان من الكباية لدرجة انك لو وقعت من على السلم قول الحمدلله نزلت بسرعة “